ବାୟୁସେନାର ଓ୍ବିଙ୍ଗ କମାଣ୍ଡ ଅଭିନନ୍ଦନ ବର୍ଦ୍ଧମାନଙ୍କୁ ଦେଖିବାକୁ ସାରା ଦେଶବାସୀଙ୍କ ମନରେ ଥିବା ଉତ୍କଣ୍ଠାର ଅନ୍ତଘଟିଛି । ଦେଶବାସୀଙ୍କ ମନରେ ଅନେକ ଖୁସି । ଦୀର୍ଘ ସମୟ ଧରି ଅଭିନନ୍ଦନଙ୍କୁ ଦେଖିବାକୁ ଲୋକମାନଙ୍କ ମଧ୍ୟରେ ଲାଗିଥିଲା ଗହଳି । ଶେଷରେ ଅପେକ୍ଷାର ଅନ୍ତ ଘଟିଛି । ଅଭିନନ୍ଦନଙ୍କୁ ଦେଶବାସୀ ସ୍ବାଗତ କରିବା ସଙ୍ଗେ ସ୍ବୟଂ ଇନ୍ଦ୍ରଦେବ ବର୍ଷା ମାଧ୍ୟମରେ ଅଭିନନ୍ଦନଙ୍କୁ ସ୍ବାଗତ କରିଛନ୍ତି । ଅଭିନନ୍ଦନ ଆସିବା ସମୟରେ ତାଙ୍କ ଶରୀର ଅଙ୍ଗଭଙ୍ଗୀର କିଛି ପରିବର୍ତ୍ତନ ହୋଇ ନଥିଲା ସେହି ବୀର ଯବାନ ଆଖି ସେହି ଲଢ଼ୁଆ ପୁଅର ଠାଣୀ ରହିଥିଲା । ଅଭିନନ୍ଦନ ଆସିବା ପରେ ବର୍ତ୍ତମାନ ଦିଲ୍ଲୀ ଅଭିମୁଖେ ବାହାରିବେ ।
ଯେହେତୁ ପାକିସ୍ତାନ ଦ୍ବାରା ଅଭିନନ୍ଦନ ବନ୍ଦୀ ଥିଲେ ତାଙ୍କ ଚିକିତ୍ସା ନିମନ୍ତେ ହସ୍ପିଟାଲ ନିଆଯିବ । ଯାହା ନିୟମ ରହିଛି ଅଭିନନ୍ଦନଙ୍କ ଶରୀରକୁ ତନଖି କରାଯିବ । କୁଚକ୍ରାନ୍ତକାରୀ ପାକିସ୍ତାନ ଅଭିନନ୍ଦନଙ୍କ ଶରୀରରେ ରେଡ଼ିଓ ଏଲିମେଣ୍ଟ ଲଗାଇ ଥାଇପାରେ ବୋଲି ସେହି ଆଶଙ୍କାରେ ତାଙ୍କର ଚିକିତ୍ସା କରାଯିବ ଏବଂ ପରେ ତାଙ୍କ ପରିବାର ସହିତ ଅଭିନନ୍ଦନ ସାକ୍ଷାତ କରିବେ । ପାକିସ୍ତାନ ଦେଇଥିବା କଥାର ମୂଲ୍ୟ ନାହିଁ ବୋଲି ବିଭିନ୍ନ ଗଣମାଧ୍ୟମରେ ଚର୍ଚ୍ଚା ଜୋର ଧରିଛି । ପାକିସ୍ତାନ କହିବାନୁଯାୟୀ, ଅଭିନନ୍ଦନଙ୍କୁ ଦିନ ୧୦ଟାରେ ହସ୍ତାନ୍ତର କରାଯିବ ହେଲେ ଦୀର୍ଘ ସମୟ ପରେ ଅର୍ଥାତ ସଂନ୍ଧ୍ୟା ସମୟରେ ତାଙ୍କୁ ହସ୍ତାନ୍ତର କରାଯାଇଥିଲା । ପାକିସ୍ତାନର ଏକ ପ୍ରୟୋଜିତ ବିଳମ୍ବିତ ବୋଲି ସବୁ ମହଲରେ ଚର୍ଚ୍ଚା ଚାଲିଛି ।
No comments:
Post a Comment